NIREA TOPAKETA: Sensibilizaziotik ekintza partekatura

Hurrengo TOPAKETAn parte hartzera gonbidatu nahi zaitugu. Jardunaldia maiatzaren 4an egingo da, Bilboko Itsasmuseum-en, eta sare gisa pauso bat gehiago eman nahi dugu: sentsibilizaziotik ekintza partekatura igarotzea.

Esperientzia inspiratzaileek jardunaldian landuko diren gaien testuingurua eta gakoak eskainiko dituzte:

• Valuing Farmers’ Wider Contributions to Society, lehen sektoreko ekarpenen balorizazioari buruzko jardunbide egokiak EBn.
• Benvinguts a Pagès (Cataluña), nekazaritza ustiategiak publikoari irekitzea, landa-eremua eta hiritarrak konektatzeko.
• Izan Arrantzale (Euskadi), arrantza-sektorea gazteengana hurbiltzea bokazioak pizteko.

Ekarpen horietatik abiatuta, hiru ardatzetan lan egingo da:

• EZAGUTU: kontakizun eta komunikazio partekatuaren hobekuntza.
• BIZI: zuzeneko harremanaren bidezko esperientzia eta lotura.
• AUKERATU: sektorea benetako lan-aukeratzat erakartzea.