Proiektuaren informazioa
Proiektuaren deskribapena
SOPELAKO UDALAK BIOBLITZ BAT ANTOLATU DU IGANDE HONETARAKO SOPELA KOSTA FESTEN BAITAN
Hitzordua igandean, hilak 25, goizeko 11: 00etan izango da, Barinatxe hondartzako eraikinean.
Bioblitz jarduera zientifikoa da, eta formatu ludiko, sozial eta informala du. Eremu jakin bateko biodibertsitatea aztertzeko eta dokumentatzeko modu bat da, eta, horren bidez, haurrek, gazteek eta helduek natura benetan askotarikoa, konplexua eta liluragarria dela konturatuko dira.
Barinatxe hondartza leku ezin hobea da bertan bizi diren espezieak, zientzialariak balira bezala, aurkitu eta dokumentatzeko.
Biodibertsitateari eta herritarren zientziari buruzko sarrera labur bat, erabiliko dugun aplikazioari buruzko azalpen tekniko batzuk, argazkiak behar bezala ateratzeari buruzko azalpen teknikoak eta datuen bilketari buruzko azalpen batzuk egin ondoren, “Barinatxe Bioaniztasuna” proiektuaren barruan mugatutako naturgunean barrena abiatuko gara, parte-hartzaileek ahalik eta espezie gehien aurkitu, bildu eta identifika ditzaten, beren mugikorrekin argazkiak eginez, bai lehorrean, bai marearteko eremuan.
Espezieak identifikatzeko jardueraren ondoren, egindako behaketen eta identifikatutako espezieen kopuruaren errepaso labur bat egingo da, eta emaitzak parte-hartzaileen sare sozialen bidez zabaltzea erraztuko da.
ℹ️ Jarduera adin guztietara zabalik dago, baina 12 urtetik beherakoek parte hartu ahal izango dute heldu batekin badoaz. Jarduera hori egiteko, norberaren mugikorra edo tableta erabiltzea gomendatzen da.
