Proiektuaren informazioa
Proiektuaren deskribapena
BIRDING URDUÑA: UDAKO HIRU IBILBIDE
Urduñako Turismo Bulegoak ekitaldiz betetako uda antolatu du. Horien artean, Equinoccio Naturak hiru ibilbide berri egingo ditu hegaztiak ikusteko.
- Uztailak 16, igandea, 9etatik 13etara: hegaztiak behatzeko ibilbidea artadian eta Ruzabalgo landazabalean. Hasiera puntua: Lendoñobeitia, elizaren ondoan. Landa-, zuhaixka- eta baso-inguruneetako hegazti tipikoak ikusi ahal izango dira, hainbat heskaiz estalitako landazabala eta faunaren irudikapen aberatsa duen artadia erabiliz.Ibilbide erraza da, baina desnibel pixka batekin, mendiko oinetakoak gomendatzen dira.
- Abuztuak 13, igandea, 9etatik 13etara: hegaztiak behatzeko ibilbidea Arrastarian, Delikatik Nerbioi ibaiaren arroilatik. Hasiera puntua: El Infierno jatetxeko aparkalekua (Delika). Ibilbide honetan, larre, heskai eta basoetako hegazti tipikoak ikusiko ditugu Nerbioi ibaian gora, Gorobel mendilerroko itsaslabarrez eta horiek erabiltzen dituzten hegaztiez gozatuz. Zailtasun teknikorik gabeko ibilbide erraza, desnibel gutxikoa.
- Irailak 17, igandea, 9:30etatik 13:30etara: hegaztiak behatzeko ibilbidea Tertangara eta Ubiroz errotara, Antiguatik. Hasiera puntua: Antiguako santutegia. Ibilbide honetan, baso-, zuhaixka- eta ibai-inguruneetako hegazti tipikoak ikusi ahal izango dira; izan ere, larre-eremuen ondotik igaroko da, heskai eta zuhaiztiekin, Ubirozeko errotara iritsiko da ibaiertzetako espezieak ikusteko, eta Gorobel mendilerroaren eta artadiaren oinetan amaituko da, hegazti harkaiztarrak ikusteko aukerarekin. Zailtasun teknikorik gabeko ibilbide erraza, desnibel gutxikoa.
Jarduera bakoitzaren prezioa: 5 euro pertsona bakoitzeko. Aldez aurretik izena eman behar da. Inskripzioa formalizatu ahal izateko, inskripzioa egin eta 48 orduko epean ordaindu behar da.
Jarduera ondo garatzeko, ezin da txakurrekin joan.
Turismo Bulegoak prismatikoak emango dizkie parte hartu nahi duten pertsonei. Informazio gehiago Urduñako Turismo Bulegoan: 945 38 43 84 telefonoan eta turismo@urduna.com helbidean.
