BIZKAIAGARA EGUNA

Urriaren 4an, igandea, 10:30etik 15:00etara, Erromoko Santa Eugenia plazak eta Ibaigane kaleak BizkaiaGara Egunaren edizio berri bat hartuko dute. Bizkaiko herritar guztiei irekitako jardunaldia izango da, elkarrekin lan egiten dugunean eraikitzeko gai garen guztia eta parte-hartzea ospatzeko.

“Komuna aktibo” lelopean, BizkaiaGara Egunak balioan jarri nahi du lankidetzan arituz eta gure gaitasunak komunitatearen zerbitzura jarriz urrunago iristen garela. Egun honek herritarren, gizarte-erakundeen eta boluntarioen arteko topagune izan nahi du, esperientziak partekatzeko eta gizarte inklusiboagoa, jasangarriagoa eta parte-hartzaileagoa eraikitzen laguntzeko bideak ezagutzeko. Gainera, 2026ko edizioak esanahi berezia du, Garapen Jasangarrirako Boluntariotzaren Nazioarteko Urtearen esparruan ospatzen baita.

Goiz osoan zehar, adin guztietako pertsonei zuzendutako esperientzia interaktibo txikiak egongo dira plazan; hala nola dibertsitatea, bizikidetza, ingurumena, kirol inklusiboa eta boluntariotza-aukerak izango dituzte hizpide, eta bertan izango gara gu ere Sare Berdeak-etik. Horrez gain, boluntariotza-hub batek orientazioa eskainiko die gizarte-proiektuetan inplikatu nahi dutenei.

“Zerk aktibatzen du komuna?” galderari jarraituz, parte-hartzaile bakoitzak mapa bat jasoko du ibilbidea egiteko, eraikuntza kolektibo bati bere ideiak ekarri eta Getxoko tokiko saltokietako produktuz osatutako saskien zozketan parte hartzeko.

Jardunaldia amaitzeko, Hija del Nopal-en musika eta Bisubi Fundazioak prestatutako arroz beganoaren bazkari komunitarioa egongo dira, erakutsiz komun dena egunero eraikitzen dugula gauzak elkarrekin egitea erabakitzen dugunean.

Egitaraua:

• 10:15 Deialdia

• 10:30 Jardueren irekiera

• 11:00 Kolilatoia

• 13:00 Manifestuaren irakurketa

• 13:15 Getxoko saltokietako produktuen zozketa

• 13:30 DJ Session: Hija del Nopal + Romina de la Croix

• 14:15 Dastatze komunitarioa Bisubi Fundazioarekin

Informazio gehiago HEMEN