NN PLOGGING TOUR – BILBAO 2022

Plogging Tour, Bilboko Udalarekin eta Eusko Jaurlaritzako Gizarte Trantsiziorako eta 2030erako Agendarako Idazkaritza Nagusiarekin lankidetzan eta Kirolaren Kontseilu Gorenaren eta hainbat toki-erakunderen laguntzarekin, Bilboko Artxanda eta Eraztun Berdean egingo da, Nationale-Nederlanden Plogging Tour jaialdiaren bigarren edizioa, Kirolaren eta Ekologiaren Europako 1. bira. Bigarren urtez jarraian, Espainiako 11 hiri zeharkatu ditu 2022an, eta 23.500 kilo hondakin baino gehiago kentzea lortu du.

Plogging Tour begiraleek zuzendutako aire zabaleko kirol-jarduera inklusiboak eta adin eta maila guztietakoak egingo dira, EGIN KIROLA PLANETAREN ALDE lelopean. Jarduera horiek running-a, ariketa fisikoa eta ingurumenaren eta biodibertsitatearen zaintza eta kontserbazioa uztartzen dituzte, ingurunean dagoen zaborra bilduz eta behar bezala birziklatuz.

Jardunaldiaren helburu nagusia herritarren artean jarduera fisikoa eta kirola aire zabalean egitea eta ibilbidean zehar aurkitzen den “basuraleza” berreskuratzea da. Sormenari, ekodiseinuari eta ekonomia zirkularrari balioa emateko DIY tailerrak, artea eta birziklapena, txikienentzako jolasak, dantza, kirol-erakustaldiak edo Errealitate Birtualaren bidezko ingurumen-hezkuntzako gune bat dira Artxandako Funikularraren Parkean kokatutako Village Plogging eta irteerako set up delakoetan izango den esperientziaren zati bat.

“EGIN KIROLA PLANETAREN ALDE”