Proiektuaren informazioa
Proiektuaren deskribapena
RE-PIZTU SENTSIBILIZAZIO KANPAINA
Aurtengo Hondakinen Prebentziorako Europako Astea dela eta, “RE-PIZTU” lelopean, kontsumitzaileak aldaketaren eragile gisa kontzientziatzeko eta hezteko aurtengo sentsibilizazio-kanpaina hasiko da.
Gaur egun familiek kontsumo-unitate gisa garrantzi handia dutenez, praktika arduratsuetan atzerapauso bat ematea proposatzen da, eta ez birziklatzearen ekintzan geratzea, kontsumoaren murrizketaren kontzeptua irakasten hastea baizik.
“Black Friday” eta gabonak bezalako datak hurbiltzen ari dira, eta garrantzitsua da herritarrek arduraz jokatzea kontsumitzeko eta oparitzeko dugun moduan.
Horretarako, familiak dibertimendutik sentsibilizatzea proposatzen du RE-PIZTUk: Escape Room ibiltari bat kontainer itxurakoa, aurkezpen gisa. Bertan, proba dibertigarriak eta gure eguneroko ohiturei buruzko hausnarketa eragingo digun istorio bat aurkituko ditugu. Eta hori guztia, familian gozatzen dugun bitartean.
Eskape Room ibiltaria Bizkaia osoan zehar bidaiatzen egongo da, beraz, apuntatu hurrengo datak!
- Bilbo: Azaroak 19 – 27
- Sopelana: Abenduak 2 eta 3
- Mungia: Abenduak 9 eta 10
- Gernika-Lumo: Abenduak 16 eta 17
- Durango: Abenduak 20, 21 eta 22
- Balmaseda: Abenduak 27, 28 eta 29
- Barakaldo: Urtarrilak 3, 4 eta 5
Informazio gehiago hemen
#RePiztu
