Proiektuaren informazioa
Gaiak Hondakinak
Proiektuaren deskribapena
Hondakinak Prebenitzeko Europako Astea (EWWR, ingelesezko siglengatik) Europan hondakinak prebenitzeari dagokionez kontzientzia sortzeko dagoen kanpainarik handiena da. Tokiko eta eskualdeko agintari publikoek bultzatuta, mota guztietako aktoreak biltzen ditu (herritarrak, eskolak, enpresak, GKEak, elkarteak, etab.), eta aurten azaroaren 20tik 28ra egingo da, Komunitate zirkularrak goiburuarekin. Kanpainan parte hartzeko ekintzak doan erregistratzeko epea jada ireki da eta datorren azaroaren 12ra arte iraungo du.
Euskadin, Eusko Jaurlaritzaren Ingurumen Jarduketarako Sozietate Publikoari –Ihoberi– dagokio Hondakinak Prebenitzeko Europako Astea bultzatzea eta sustatzea, hiri-hondakinak koordinatzeko organoaren (HHKOren) idazkaritza tekniko gisa.
Nola parte hartu EWWRn
Ez izan zalantzarik EWWRn parte hartzeko!
Parte hartzeko hiru modu daude:
- Agintari publiko, elkarte, GKE, enpresa, hezkuntza-erakunde, bestelako erakunde edo herritar indibidual bat bazara, eta hondakinen prebentzioari, berrerabilpenari edo birziklatzeari buruzko sentsibilizazio-ekintza bat egin nahi baduzu EWWRren hurrengo edizioan. Arazoak dituzu erregistratzeko? Begiratu gida edo bideo tutoriala. Erregistratu zure ekintza!
- Banakako herritarra edo herritarren kolektiboa bazara eta EWWRn gertatzen diren ekintza batzuetan parte hartu nahi baduzu. Ezagutu zure etxetik gertu izango diren ekintzak! Parte hartu ekintza batean!
- Hondakinen kudeaketaren arloan eskumenak dituen erakunde publikoa bazara eta zure lurraldean EWWR koordinatzeko interesa baduzu, Bihur zaitez koordinatzaile!
Informazio gehiago:
- http://www.ihobe.eus/albisteak/komunitate-zirkularrak-sortzea-hondakinak-prebenitzeko-europako-astearen-2021eko-edizioaren-ardatz-nagusia
- https://ewwr.eu/esp/
